«Пятерочка» кибете хезмәткәрләре өчен профилактика чарасы
2021 елның 25 мартында Татарстан Республикасы Дәүләт алкоголь инспекциясенең Казан территориаль органы хезмәткәре «Пятерочка» кибете хезмәткәрләре белән кулланучыларга хезмәт күрсәтү сыйфатын күтәрүгә юнәлдерелгән профилактика чарасын үткәрде.
Чара барышында «Кулланучыларның хокукларын яклау турында» Россия Федерациясе Законы нормалары, законнардагы үзгәрешләр, Товарларның аерым төрләрен сату кагыйдәләре һәм Россия Федерациясендә халыкка көнкүреш хезмәтләре күрсәтү кагыйдәләре каралды.
Шулай ук сатыла торган товарларга бәйләр һәм кулланучы почмагын рәсмиләштерү кагыйдәләре, сатучы һәм товарлар турында мәҗбүри һәм дөрес мәгълүмат булдыру, оешманың элмә такталарын булдыру, сатып алынган товарда җитешсезлекләр барлыкка килгәндә, кулланучылар белән мәсьәләләрне ничек итеп хәл итәргә, сатучы тарафыннан аларның дәгъваларын карау тәртибе һәм сроклары турындагы мәсьәләләр дә күтәрелде.
Өстәмә рәвештә кулланучыларга һәм оешма хезмәткәрләренә битлек режимын үтәү бурычлары турында да хәбәр ителде.