Тукай Язы-2021
Тукай язы-2021 – Каюм Насыйри музеенда Рушан Шәмсетдиновның бөек Тукай иҗатына һәм образына багышланган сәнгать күргәзмәсе ачылу белән дә истә калачак. Форсаттан файдаланып, Татарстан Республикасы Дәүләт алкоголь инспекциясенең Казан территориаль органы хезмәткәрләре рәсем сәнгатенә кагылдылар.
Танылган рәссам-график һәм рәссам Рушан Шәмсетдинов үзенең күргәзмәсен шагыйрьнең шигри юллары белән атаган: «Монда безнең бабаларыбызның гамәлләре, монда изге урыннар». Күргәзмә шагыйрьнең гаҗәеп дөньясының өр-яңа карашын тәкъдим итә. Рәссам Тукай образларын, халык тарихын дулкынланып сурәтли, аларны бербөтен итеп бәйли.
Татар әдәбияты классигы Габдулла Тукай образы һәм рухи дөньясы рәссам иҗатында аерым урын алып тора. «Габдулла Тукай. Балачак», «Габдулла Тукай. Өлгергәнлек чоры» сәнгать теленең үзенчәлеген сүрәтли, ә шагыйрь образы - тирән мәгънәгә ия. Аларда - Тукай шигъриятенең үзенчәлегенә һәм мәгънәле тирәнлегенә аваздаш булган үзенчәлекле фәлсәфә; монда гасырлар буена тарихи хәтергә үтеп керә торган халык-поэтик мохит, бетмәс-төкәнмәс тормыш һәм иҗат рухы чагылдырылган. Күргәзмәдә тәкъдим ителгән аерым полотналар Иске Казан һәм Идел буе Болгарына багышланган. Бу образлар шулай ук Тукай шигырь дөньясын сүрәтләүдә ярдәм итә.
Озак һәм нәтиҗәле иҗади тормышы дәвамында Рушан Шәмсетдинов дистәләрчә китап тәкъдим иткән, алар арасында «Идегәй» героик эпосы, Кол Галинең «Йосыф китабы», «Ибн-Фадланның X гасырда Идел буе Болгариясенә сәяхәте», «Серле Казан», «Шүрәле», Г.Тукайның «Су Анасы» китаплары бар.