Территориаль орган хезмәткәрләре КФҮдә дежурлык үткәрделәр
2021 елның 21 маенда Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге начальнигы Марсель Шаһидуллин, Биектау районы Башкарма комитеты вәкиле А.М. Садыкова белән берлектә, Биектау авылы, Полковая урамы, 9 нчы йорт адресы буенча урнашкан Татарстан Республикасында дәүләт һәм муниципаль хезмәтләр күрсәтүнең күпфункцияле үзәгендә дежурлык үткәрделәр.
Чара барышында кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләренә кагылышлы консультацияләр һәм ачыктан-ачык җаваплар алдылар.
Тыңлаучыларга кулланучылар хокукларын яклау өлкәсендә мөнәсәбәтләрне җайга салучы законнар һәм норматив актлар турында мәгълүмат бирелде: «Кулланучылар хокукларын яклау турында» 07.02.1992 ел, №2300-1 Россия Федерациясе Законының, РФ Хөкүмәтенең 2020 елның 31 декабрендәге 2463 номерлы карары белән расланган Россия Федерациясендә халыкка көнкүреш хезмәте күрсәтү кагыйдәләренең төп нигезләмәләре.
Кулланучыга шәхси эшмәкәр һәм күрсәтелә торган хезмәтләр турында кирәкле мәгълүмат бирү; килешү (квитанция) рәсмиләштерү; товарга түләү тәртибе; товарның кимчелекләрен ачыклаганда кулланучы хокуклары; сатып алучыдан претензияләр кабул итү һәм претензияләрне карау сроклары мәсьәләләре каралды.
Катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен сатучы, товарлар һәм хезмәтләр турында кирәкле мәгълүмат булу, түләнгән товар яки күрсәтелгән хезмәт өчен товар чеклары бирү, фикерләр һәм тәкъдимнәр китабын бирү турында таләпләр аңлатылды.
Кулланучылар хокукларын яклау буенча сораулар килеп туган очракта, мөрәҗәгать итү өчен Казан территориаль органы координаталары бирелде.
Кулланучылар хокукларын яклау өлкәсендә мәсьәләләрне хәл итү турында мәгълүмат булган түләүсез басма продукция тәкъдим ителде.