Базарлы Матак авылында законнарны аңлату буенча чаралар үткәрелде
2021 елның 9 июнендә Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы Әлки муниципаль районы Базарлы Матак авылында кулланучылар һәм хуҗалык итүче субъектлар өчен кулланучылар хокукларын яклау турындагы законнарны аңлату буенча чаралар комплексы үткәрде.
Халык белән аңлату эшләре алып бару һәм хуҗалык итүче субъектлар вәкилләрен укыту «2014 – 2025 елларга Татарстан Республикасында кулланучылар хокукларын яклауның комплекслы системасын үстерү» Подпрограммасын үтәү йөзеннән оештырылды һәм халыкның куллану белеме дәрәҗәсен арттырырга, шулай ук кулланучылар базарында хокук бозуларны киметергә ярдәм итә, бу Татарстан Республикасы Дәүләт алкоголь инспекциясе эшчәнлегендә өстенлекле юнәлеш булып тора.
Чаралар барышында кулланучылар һәм хуҗалык итүче субъектларга кулланучылар хокукларын яклау турында закон нормалары җиткерелде. Кулланучылар тарафыннан сыйфатсыз товарлар сатып алу яки алар тарафыннан башкарылган эшләрнең (күрсәтелгән хезмәтләрнең) кимчелекләрен ачыклау белән бәйле катлаулы мәсьәләләрне хәл итү буенча киңәшләр бирелде.