Авыл халкына товар һәм сатучы турында кичекмәстән нинди мәгълүмат алу мөмкинлеге турында сөйләделәр
2021 елның 15 июнендә Ташкичү авыл җирлеге бинасында, Арча районы Ашытбаш авылында Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм эчке базарны үстерү һәм координацияләү бүлеге начальнигы Ләйсән Абдуллина авыл җирлегендә яшәүчеләр белән чираттагы очрашу үткәрде.
Очрашуда сыйфатлы товарларны алыштыру һәм кире кайтару очракларында аларның хокукларын яклауга, товарда җитешсезлекләр ачыкланган очракта кулланучы таләпләрен канәгатьләндерү срокларына, товарга экспертиза үткәрүгә, кулланучының теге яки бу таләпләрен канәгатьләндерү срокларына кагылышлы мәсьәләләр каралды.
Алкогольле продукцияне сату үзенчәлекләре һәм яраклылык вакыты чыккан азык-төлек товарларының сыйфаты һәм аларны сату проблемалары буенча фикер алыштылар.
Авыл халкына товар һәм сатучы турында нинди мәгълүматны кичекмәстән алырга, этикеткаларны ничек дөрес укырга һәм товарлар һәм хезмәт күрсәтүләр базарында барлыкка килгән төрле конфликтлы ситуацияләрдә үз-үзләрен ничек якларга хокуклы булулары турында сөйләделәр.
Тыңлаучыларга алкогольле продукцияне ваклап сату өлкәсендә законнардагы соңгы үзгәрешләр, «Кулланучылар хокукларын яклау турында» РФ Законының гомуми нигезләмәләре һәм төп закон актлары җиткерелде.
Катнашучылар үзләренең хокуклары турында мәгълүматны кызыксынып кабул иттеләр. Гражданнарны кабул итү барышында Кулланучылар хокукларын яклау өлкәсендә төрле тематикалы буклетлар таратылды.