Хуҗалык итүче субъектлар өчен укулар үткәрелде
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре вак көнкүреш техникасы, савыт-саба һәм көнкүреш химиясе товарлары сатучы «Анчар» ҖЧҖ сәүдә объектларында белем бирү семинары үткәрде. Сатучылар һәм сатып алучыларга кулланучылар хокукларын яклау һәм сәүдә кагыйдәләрен үтәү өлкәсендә гамәлдәге законнар буенча консультацияләр бирделәр: 07.02.1992 елның 2300-1 номерлы Россия Федерациясе Законының төп нигезләмәләре; «Кулланучылар хокукларын яклау турында» законнардагы үзгәрешләр, товарларны ваклап сату-алу шартнамәсе буенча сату кагыйдәләре һәм 2020 елның 21 сентябрендәге 1514 номерлы Россия Федерациясендә халыкка көнкүреш хезмәте күрсәтү Кагыйдәләре.
Катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен сатучы, товарлар һәм хезмәтләр турында кирәкле мәгълүмат бирү, түләнгән товар яки күрсәтелгән хезмәт өчен товар чеклары бирү, фикерләр һәм тәкъдимнәр китабын бирү турында таләпләр аңлатылды.
Товарда җитешсезлекләр табылганда кулланучылар белән конфликтлы ситуацияләрне хәл итү мәсьәләләре кузгатылды.
Шулай ук Татарстан Республикасы территориясендә «битлек» режимын саклау турында мәгълүмат җиткерелде.