«Бахчалы культураларны сатып алу» темасына кулланучылар арасында анкеталаштыру үткәрелде
Хәзер бахчалы культураларын сату сезонының иң кызган чагы. Җәйге эссе чорда кавын-карбыз кебек популяр булган азык-төлек продуктларын табу кыен. Аларны балалар да, өлкәннәр дә файдалы үзлекләре өчен яраталар.
21.07.21 Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәре тарафыннан, әлеге җиләкләрне сатып алу һәм куллануның тискәре нәтиҗәләрен булдырмаска мөмкинлек бирә торган гади кагыйдәләрне үтәү буенча киңәш итү максатыннан чыгып, кулланучылар арасында анкеталау үткәрелде.
Карбыз һәм кавынны кибетләрдә, базарларда, ял көне ярминкәләрендә һәм махсус бахчалы развалларда сатып алырга киңәш ителә. Очраклы затлардан, стихияле базарларда, автомобиль юллары янында бахчалы культуралар сатып алырга кирәкми. Кагыйдә буларак, мондый сәүдә нокталарында аларның сыйфатын һәм килеп чыгышын раслый торган документлардан башка продукция сатыла, куркынычсызлык күрсәткечләре буенча карбыз һәм кавынга лаборатор тикшерүләр үткәрелми.
Яхшы, өлгергән карбыз эре була, капламы тигез, кабыгының төсе ачык һәм контрастлы, карбыз яткан урынындагы таплары максималь дәрәҗәдә сары, хәтта кызгылт сары булырга тиеш. Бармак белән бәргән чакта өлгергән карбыздан үзенчәлекле - уртача яңгыравыклы тавыш чыга. Аның эче кызыл төснең төрле вариантларында булырга мөмкин, орлыклары өлгергән, кара яки коңгырт төстә. Җиләк-җимешләрнең консистенциясе сусыл, татлы һәм зәвыклы.
Карбыз кебек үк, кавыннарны да шул ук кагыйдәләр буенча сайлыйлар, әмма зур булмаган аерма да бар. Кавынның капма-каршы ягы койрыктан бераз йомшак булырга тиеш, әгәр каты булса, бу – җимешнең өлгермәгәнлеге билгесе. Аңа сугып караган очракта саңгырау тавыш булырга тиеш. Кавынның исе юк икән, ә аннан һичшиксез татлы ис килергә тиеш, бу җимешне сатып алырга киңәш ителми.