Болгар шәһәрендә законнарны аңлату буенча чаралар үткәрелде
2021 елның 19 августында Татарстан Республикасы Дәүләт алкоголь инспекциясенең Чистай территориаль органы белгечләре Татарстан Республикасы Спас муниципаль районының Болгар шәһәрендә кулланучылар һәм хуҗалык итүче субъектлар өчен кулланучылар хокукларын яклау турында законнарны аңлату буенча чаралар комплексы үткәрде.
Халык белән аңлату эшләре алып бару һәм хуҗалык итүче субъектлар вәкилләрен укыту «2014 – 2025 елларга Татарстан Республикасында кулланучылар хокукларын яклауның комплекслы системасын үстерү» Подпрограммасын үтәү йөзеннән оештырылды һәм кулланучыларның белем дәрәҗәсен арттырырга, шулай ук кулланучылар базарында хокук бозуларны киметергә ярдәм итә, бу Татарстан Республикасы Дәүләт алкоголь инспекциясе эшчәнлегендә өстенлекле юнәлешнең берсе булып тора.
Чаралар барышында кулланучылар һәм хуҗалык итүче субъектларга кулланучылар хокукларын яклау турында закон нормалары җиткерелде. Агымдагы елның 1 гыйнварыннан кулланучылар һәм сатучылар (башкаручылар) арасында мөнәсәбәтләрне җайга салучы законнардагы үзгәрешләр каралды.
Азык-төлек булмаган сыйфатлы товарларны кире кайтару буенча мәсьәләләрне җентекләп карадылар, чөнки бу ситуациянең гадилеге аркасында кулланучылар һәм сатучылар арасында еш кына бәхәсләр килеп чыга.
Күчмә чара барышында кулланучыларга һәм хуҗалык итүче субъектларга танышу һәм үзлекләреннән өйрәнү өчен буклетлар һәм «Вестник потребителя Татарстана» газетасы тапшырылды.