Габдулла Тукай музеенда тылсымлы дөнья
Арча районы - музейлар иле. Бөек татар шагыйре Габдулла Тукайның Яңа Кырлай авылындагы мемориаль музей комплексы аеруча популяр. Габдулла Тукай дәүләт әдәби-мемориаль музей комплексы составына Габдулла Тукай музее, Сәгъди абзый йорты керә. Агымдагы елның җәй ахырында Татарстан Республикасы Дәүләт алкоголь инспекциясенең Арча территориаль органы хезмәткәрләре гаиләләре белән Габдулла Тукай музеенда булдылар. Музей комплексы Татар халкының бөек улы тормышының һәм иҗатының гаҗәеп әкияти атмосферасын саклый. Музейда шагыйрьнең дусларына һәм туганнарына кагылышлы әйберләр һәм интерьер детальләре тупланган. Бу экспонатлар зур кызыксыну уята һәм музей өчен аеруча әһәмиятле. Беренче катта танылган шагыйрьнең төрле этаплары турында сөйләүче әдәби-биографик экспозиция тәкъдим ителә. Монда аның китаплары, фоторәсемнәре, хатлары, үзе исән вакытта басылып чыккан басмалары бар. Беренче катта Габдулла Тукай эшләгән типография станогын да күрергә була. Икенче катта без шагыйрьнең үзен һәм аның әсәрләреннән персонажларны сурәтләгән күренекле рәссамнарның картиналарын күрәчәкбез.