Өлкәннәр көненә багышланган чара үткәрелде
Октябрьнең беренче көннәрендә Халыкара өлкәннәр көнен билгеләп үтү матур традициягә әверелде.
2021 елның 1 октябрендә мәрхәмәтлек айлыгы кысаларында, Татарстан Республикасы Дәүләт алкоголь инспекциясенең Арча территориаль органы белгечләре тарафыннан эшләнгән план нигезендә, «Казан арты» тарих-этнография музеенда өлкәннәр көненә багышланган чара үткәрелде. Чараның максаты - кулланучылар хокукларын яклау өлкәсендә хокукый мәгълүматны җиткерү иде.
Бүлек белгече үз чыгышында дәүләт һәм иҗтимагый хәрәкәтләр тарафыннан гамәлгә ашырыла торган, шәхси, гаилә, йорт һәм эшмәкәрлек эшчәнлеге белән бәйле булмаган башка ихтыяҗлар өчен товар яки хезмәт сатып алучы физик зат һәм эшмәкәрлек эшчәнлеге субъекты — җитештерүче, башкаручы, сатучы һәм кулланучыларның конкрет хокукларын билгеләүне үз эченә алган, кулланучы (гаилә, йорт һәм башка ихтыяҗлар өчен товар сатып алучы физик зат) арасында килеп туган мөнәсәбәтләрне җайга салуга юнәлтелгән чаралар комплексы турында мәгълүмат җиткерде; кулланучылар хокукларын бозган өчен җаваплылык турында; үз хокукларын яклау өчен алынган мәгълүматны куллана белү турында хәбәр итте.
Очрашу актив әңгәмә рәвешендә һәм дустанә атмосферада, кулланучылар хокукларын яклау турында закон нормалары һәм ваклап сату-алу шартнамәсе буенча товарлар сату кагыйдәләре турында аңлату белән узды. Шулай ук кулланучы өчен буклетлар һәм Татарстан Республикасы Дәүләт алкоголь инспекциясенең Арча территориаль органы координаталары язылган визит карточкалары таратылды.