Азнакай районында уртак чаралар үткәрелде
Бөтендөнья сыйфат көне һәм Европа сыйфат атналыгына кысаларында Татарстан Республикасы Дәүләт алкоголь инспекциясенең Әлмәт территориаль органы хезмәткәре Лилия Мурзина, Роспотребнадзорның Татарстан Республикасы буенча идарәсенең Бөгелмә, Азнакай, Баулы районнарындагы территориаль бүлеге баш белгеч-эксперты Розалия Хәсәншина Татарстан Республикасы кулланучылар базарында сатыла торган товарларның, эшләрнең һәм хезмәтләрнең сыйфатын һәм куркынычсызлыгын тәэмин итүгә юнәлдерелгән чаралар кысаларында, Азнакай муниципаль районы Башкарма комитетының әйдәп баручы белгече Миләүшә Гарипова белән берлектә Татарстан Республикасы Дәүләт һәм муниципаль хезмәтләр күрсәтүнең күпфункцияле үзәгендә дкизү тору үткәрделәр, анда килүчеләрнең сорауларына җавап бирделәр. Аннары белгечләр «Агат» сәүдә йорты ҖЧҖенең «Агат» күпләп-ваклап сату кибетенә һәм ШЭ Шакировның «Чатыр Тау» супермаркетына юнәлделәр. Әлеге сәүдә объектларында кибет хезмәткәрләре өчен укулар үткәрелде, ШЭ Шакиров тарафыннан күп еллар эшләп чыгарыла торган җирле икмәк-күмәч продукциясенә дегустация үткәрелде, бу продукциягә Азнакайда гына түгел, күрше торак пунктларда да ихтыяҗ зур.
Ел саен үткәрелә торган Бөтендөнья сыйфат атнасы быел «Сыйфат - һәркемнең эше!» шигаре астында 8-14 ноябрьдә, ә сыйфат көне 2021 елның 11 ноябрендә билгеләп үтелә.
Очрашулар, конфликтлы хәлләр килеп чыкмасын өчен, кулланучылар хокукларын яклау өлкәсендә белемнәрне актуальләштерүгә, ә алар килеп туган очракта - законнар нигезендә мәсьәләләрне хәл итүгә юнәлдерелгән. Укулар барышында кибет хезмәткәрләренә кулланучылар хокукларын яклау өлкәсендә мөнәсәбәтләрне җайга салучы закон һәм норматив актлар турында мәгълүмат бирелде.
Сатыла торган товарларга мәгълүматны үз вакытында тапшыру, аларны дөрес итеп сайлап алу, кирәкле озату документлары булу кирәклеге әйтелде. Азык-төлек булмаган товарлар буенча аңлатмалар бирелде, алар үзләренең атамалары, артикул, бәяләре, күләме һәм үсеше күрсәтелгән ярлыкларга ия булырга тиеш. Сатучылар игътибарына җиткерелгәнчә, җитештерүче тарафыннан билгеләнмәгән очракта, алар товарга гарантия срогы куярга хокуклы. Кулланучы материал составы, эшләнмәләрне карау ысуллары һәм кагыйдәләре, шулай ук гарантия сроклары турында вакытында һәм аңлаешлы формада мәгълүмат алырга тиеш. Сатучы шулай ук җитештерүче тарафыннан билгеләнгән гарантия срогы чыккач ачыкланган товарның җитешсезлекләренә карата йөкләмә кабул итәргә хокуклы.
Сатучы белән сатып алучы арасында бәхәсле мәсьәләләрне хәл итү өчен эксперт оешмаларына мөрәҗәгать итәргә киңәш ителде, алар турында мәгълүматны Татарстан Республикасы Дәүләт алкоголь инспекциясе сайтында: www.tatzpp.ru алырга мөмкин.