Коррупция җәмгыять тормышының барлык өлкәләренә дә кагыла
Бүген Татарстан Республикасы Дәүләт алкоголь инспекциясендә Халыкара коррупциягә каршы көрәш көненә багышланган түгәрәк өстәл узды. Чара Җәүдәт Әхмәтханов рәислегендә узды. Модератор булып Татарстан Республикасы Дәүләт алкоголь инспекциясе каршындагы Иҗтимагый совет рәисе Юрий Митюшкин чыгыш ясады. Түгәрәк өстәлгә инспекция, территориаль органнар (ZOOM платформасында), «Татэкспертцентр» ДБУ хезмәткәрләре чакырылган иде.
Түгәрәк өстәл кысаларында Яр Чаллы территориаль органы башлыгы урынбасары Лилия Муллина «Коррупцион рисклар һәм аларны минимальләштерү ысуллары (Чаллы территориаль органы эшчәнлеге мисалында)» темасына доклад ясады. Аннары Яшел Үзән территориаль органы начальнигы Рифат Сөнгатуллин «Юридик затлар мәнфәгатьләрендә законсыз бүләкләү институты һәм аның Татарстан Республикасы Дәүләт алкоголь инспекциясенең коррупциягә каршы эшчәнлегенә йогынтысы» темасына доклад белән чыгыш ясады.
Түгәрәк өстәлгә чакырылган Татарстан Республикасы Президенты каршындагы Коррупциягә каршы сәясәт Идарәсенең коррупциягә каршы сәясәт мәсьәләләре буенча эксперт Шамил Дәүләтгильдиев Татарстан Республикасы Дәүләт алкоголь инспекциясе эшенә уңай бәя бирде һәм коррупциягә каршы чараларны гамәлгә ашыру буенча башкарма хакимият органнарының бурычлары турында сөйләде.
Татарстан Республикасы Дәүләт алкоголь инспекциясенең башка хезмәткәрләре, коррупциягә каршы нәтиҗәле көрәшнең әһәмиятен аңлап, дәүләт хакимияте органнарының һәм аларның вазыйфаи затларының коррупциячел факторларны һәм коррупция сәбәпләрен бетерү буенча чаралар күрмәгән өчен җаваплылыгын тәэмин итеп, коррупциягә каршы эшчәнлектә актив катнашырга бурычлы.