Балтач районының Салавыч күппрофильле лицее укучылары өчен дистанцион дәрес үткәрелде
2021 елның 22 декабрендә Татарстан Республикасы Арча территориаль органының эчке базарны үстерү һәм координацияләү бүлеге начальнигы Ләйсән Абдуллина, ZOOM платформасы ярдәмендә, Балтач муниципаль районының Салавыч күппрофильле лицее МББУнда Кулланучылар белеме нигезләре буенча класстан тыш дәрес үткәрде.
Укучыларга кулланучылар хокукларын яклау турында законның гомуми нигезләмәләре, кулланучыларның төп хокуклары, кулланучы хокукларын бозган өчен сатучының (җитештерүченең, башкаручының) җаваплылыгы аңлатылды. «Кулланучылар хокукларын яклау» темасына ел саен үткәрелә торган республика Олимпиадасы нәтиҗәләре турында мәгълүмат бирелде. Территориаль орган тәҗрибәсеннән чыгып, ситуацион сорауларны карадылар.
Үсеп килүче буынга, илебезнең киләчәгенә кулланучылар хокукларын яклау өлкәсендә белем алып, без илебезнең икътисадый үсеше өчен ныклы нигез булдырачакбыз.