ТР Дәүләт алкоголь инспекциясе җитәкчесе 11 яшьлек кызның хыялын тормышка ашырды

2021 елның 28 декабре, сишәмбе

Татарстан Республикасы Дәүләт алкоголь инспекциясе җитәкчесе Җәүдәт Әхмәтханов 11 яшьлек Диләрә Гайнетдинованың хыялын тормышка ашырды. 5 нче сыйныф укучысы Кыш Бабайга хат язган булган һәм аның яшерен хыялы Бөтенроссия «Теләкләр чыршысы»на эләккән. Үзенең хатында ул кәрәзле телефон сорый. Диляраның гаиләсе зур: олы абыйсы кадет мәктәбендә укый, әнисе декрет ялында энесен тәрбияли, гаиләдә әтиләре генә эшли.

Мәрхәмәтлелек марафоны кысаларында Җәүдәт Әхмәтханов Диләрәгә кәрәзле телефон бүләк итте. Видеоэлемтә аша аралашканда Диләрә яхшы укуы, бию белән шөгыльләнүе, тегәргә яратканы, әнисенә өйдә булышканлыгы турында сөйләде. Җәүдәт Юсупович Дилярга сәламәтлек, укуларында уңышлар теләде.