Бәйрәм көннәрендә Татарстан Республикасы Дәүләт алкоголь инспекциясенең эш йомгаклары
Бәйрәм көннәрендә, 2021 елның 31 декабреннән 2022 елның 9 гыйнварына кадәр, Татарстан Республикасы Дәүләт алкоголь инспекциясе хезмәткәрләре мөстәкыйль рәвештә һәм полиция хезмәткәрләре белән берлектә түбәндәге юнәлешләр буенча контрольлек чаралары үткәрде:
- «икеләтә билгеләнештәге» спиртлы сыеклыклар, шул исәптән элек мондый фактлар ачыкланган адреслар буенча да, сату фактларын ачыклау һәм булдырмау;
- төнге һәм иртәнге сәгатьләрдә хәмер сату очракларын ачыклау;
- лицензиясез эшчәнлекне һәм маркировкаланмаган продукция әйләнешен ачыклау һәм булдырмау;
- яңа коронавирус инфекциясе таралу куркынычы шартларында QR-кодларның һәм «битлек» режимын гамәлдә булу режимын бозуларны ачыклау.
Чаралар кысаларында 37 тәртип бозу очрагы ачыкланды:
- Лицензиясез эшчәнлекнең 5 очрагы (Казан (3), Әлки, Азнакай районнары);
- Документларсыз гына алкогольле продукция әйләнешенең 6 очрагы (Казан (3), Нурлат, Түбән Кама, Буа районнары);
- БДАМСта (Казан, Нурлат, Буа районнары) алкогольле продукцияне исәпкә алу тәртибен бозуның 3 факты;
- Алкогольле продукция, шул исәптән сыра сату урыннарын, шартларын һәм вакытын сакламау очракларының 9сы (Казан (3), Әлмәт (2), Питрәч, Мөслим, Бөгелмә, Лениногорск районнары);
- Көмешкә сатуның 1 очрагы (Аксубай районы);
- Яраклылык вакыты чыккан алкогольле продукция (сыра) сатуның 1 факты (Буа районы);
- Маркаларсыз алкогольле продукция әйләнешенең 2 очрагы (Казан, Яшел Үзән районы);
- ССЖ сатуның 2 очрагы (Әлмәт, Баулы районнары);
- 8 очрак «битлек» режимын бозу яки QR-код режимын бозу (Казан, Арча, Әтнә, Кукмара, Теләче, Питрәч, Яшел Үзән, Чүпрәле районнары).
Барлыгы 617,91 л күләмдә алкогольле һәм спиртлы продукция хуҗаларыннан алынды:
- алкогольле продукция – 48,55 л;
- сыра-549,36 л;
- ССЖ – 19,5 л;
- көмешкә-0,5 л.