Кибет җитәкчеләре һәм хезмәткәрләре өчен профилактик чара үткәрделәр
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге хезмәткәрләре Мамадыш шәһәренең «Табыш» ҖЧҖнең «Табыш» кибете җитәкчесе һәм хезмәткәрләре белән профилактик чара үткәрде.
Коллектив белән очрашу Россиядә «Кулланучылар хокукларын яклау турында» закон кабул ителүгә 30 ел тулуны бәйрәм итү турында мәгълүмат бирүдән башланды. 1992 елның 7 февралендә Закон Россия кулланучыларын иң мөһим хокуклар һәм гарантияләр белән тәэмин итте.
Кибет җитәкчелегенә һәм хезмәткәрләренә «Кулланучылар хокукларын яклау турында» 1992 елның 7 февралендәге 2300-1 номерлы РФ Законы һәм «Ваклап сату-алу шартнамәсе буенча товарлар сату кагыйдәләрен, кулланучының аңа шундый ук төп куллану үзенчәлекләренә ия булган товарны ремонтлау яки алыштыру чорында түләүсез бирү турында таләбе кагылмый торган озак файдаланудагы товарлар исемлеген һәм мондый товарны ремонтлау яки алыштыру чорында тиешенчә сыйфатлы азык-төлек булмаган товарлар исемлеген раслау турында»31.12.2020 елның 2463 номерлы РФ Хөкүмәте Карары аңлатылды.
Белгечләр тарафыннан кулланучылар базары өлкәсендә кибет җитәкчелеге сорауларына квалификацияле җаваплар бирелде, һәр хезмәткәр Татарстан Республикасы Дәүләт алкоголь инспекциясе тарафыннан эшләнгән буклетлар алды, Яр Чаллы территориаль органының «Кайнар линия» телефоны (8 (8552)71-43-03 турында мәгълүмат бирелде.
Бүлек хезмәткәрләре кибеттә социаль әһәмиятле азык-төлек продуктларына һәм сыра тәкъдим итүгә бәяләр мониторингы үткәрделәр.