Кулланучылар белеме буенча онлайн чара үткәрелде
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Ләйсән Абдуллина, кулланучылар хокукларын яклау турындагы законнарның 30 еллыгына багышланган чаралар кысаларында, Татарстан Республикасы Арча муниципаль районы «С.З. Габдрахманова исемендәге Яңа Кенәр урта гомуми белем бирү мәктәбе» муниципаль бюджет гомуми белем бирү учреждениесенең җитәкчелеге һәм педагогик составы өчен кулланучылар белемен күтәрү буенча онлайн чара үткәрде.
«Кулланучылар хокукларын яклау турында» РФ Законы нигезендә кулланучылар хокукларын яклау өлкәсендә нормалар һәм кагыйдәләр, кулланучылар хокукларын яклау турында законнар тарихы аңлатылды. Чараның максаты - безнең дәүләттә кулланучының хокукый статусы белән танышу, көндәлек тормышта кулланучыларның хокуклары һәм законлы мәнфәгатьләре ничек яклануын күрсәтү, конфликтны законлы рәвештә дөрес хәл итү күнекмәләрен формалаштыру. Сыйфатсыз товарны сатып алу һәм сыйфатлы товарны алыштыру очрагында гамәлләр алгоритмы белән күрсәтмәләр бирелде.