Казан шәһәренең хуҗалык итүче субъектларында семинарлар үткәрделәр
2012 елның 10 мартында «Восторг 52» ҖЧҖдә Татарстан Республикасы Дәүләт алкоголь инспекциясенең Казан территориаль органы хезмәткәрләре Бөтендөнья кулланучылар хокукларын яклау көненә багышланган «Кулланучылар хокукларын яклау» өлкәсендә белем бирү семинары үткәрде.
«Восторг 52» ҖЧҖ хезмәткәрләренә кулланучылар хокукларын яклау өлкәсендә гамәлдәге законнарны үтәү мәсьәләләре буенча консультацияләр бирде, «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законының төп нигезләмәләре аңлатылды.
Катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен товарлар һәм хезмәтләр турында кирәкле мәгълүмат булу, күрсәтелгән хезмәтләр өчен товар чеклары бирү, фикерләр һәм тәкъдимнәр китабы бирү турында таләпләр аңлатылды.
Кулланучылар белән конфликтлы ситуацияләрне карау мәсьәләләре дә кузгатылды.
Чара барышында катнашучыларга Кулланучылар хокукларын яклау турында РФ Законының аерым маддәләре аңлатылган буклетлар таратылды.