Кулланучылар хокукларын яклау өлкәсендә белем бирү семинары үткәрелде
Соңгы вакытта кулланучылар хокукларын яклау буенча норматив актлар, халыкка сатыла торган халык куллану товарлары сыйфатына карата таләпчәнлекне арттыру, товарлар җитештерү һәм аларны сату белән шөгыльләнүче оештыру-хокукый формаларына бәйсез рәвештә сәүдә предприятиеләренең җаваплылыгын арттыру максатыннан даими рәвештә яңартылып тора.
2022 елның 5 апрелендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге белгече, «Ранур» ҖЧҖ, «Марсель» кибете сәүдә объектында сатучылар өчен «Кулланучылар хокукларын яклау турында» РФ законын аңлатып, укулар үткәрде.
Уку барышында кулланучылар хокукларын яклау турында закон нормалары аңлатылды, шулай ук товарларның аерым төрләрен сату Кагыйдәләре нигезендә аңлатмалар бирелде. Хезмәткәрләргә сатыла торган товарларга һәм кулланучы почмагына бәяләрне рәсмиләштерү кагыйдәләре, оешма элмә такталары һәм товарлар турында рус телендә мәгълүмат, алкогольле продукцияне сату кагыйдәләре турында киңәш-табышлар бирелде. Сатучыларның игътибарын яраклылык срокларын контрольдә тотуны көчәйтүгә һәм сатыла торган товарларны саклау шартларын үтәүгә юнәлтте.
Чара ахырында «Вестник потребителя Татарстана» газетасы, товарлар һәм хезмәтләр турында төрле мәгълүмат белән брошюралар һәм буклетлар таратылды.