Консервлау сезоны ерак түгел
Консервация өчен капкачлар сайлыйбыз. Яз - азык-төлекне консервлау сезонына әзерләнү һәм аларны өй шартларында дөрес саклау турында кайгырта башларга кирәк булган вакыт.
Шуңа күрә, азык-төлек запасы гына түгел, сыйфатлы товарлар: капкачлар, банклар, приправлар һ.б. әзерләү дә мөһим.
Без кыш дәвамында әзерләнгән банкаларны саклап калырга да ярдәм итәчәкбез.
Консервлау өчен капкачларны ничек дөрес сайларга? Нәкъ менә консервлау процессының уңышлылыгы, әзерләнгән продуктларның сыйфаты һәм куркынычсызлыгы алар ясалган материалга бәйле.
Капкачларың киң таралган төрләрен карап китәрбез.
«СКО» калай капкачлары. Чагыштырмача түбән бәягә ия. Бу капкач барлык пыяла банкаларга да туры килә.
Мондый капкачларны сатып алганчы, эчке катламына игътибар итегез - сыйфатлы капкачының эчке ягы лакланган булырга тиеш. Ацетонлы мамык диск белән капчыкның эчке өслеген сөртеп карагз, ул сары яки яшел эз калдырса, капкач банклар эчендәге продуктлар белән реакциягә керергә мөмкин, бу уңай күренеш түгел. Истән чыгармагыз, капкачларны саклау срогы - 3 ел. Әгәр дә сез капкачларны кайчан сатып алганыгызны хәтерләмәсәгез, аларны түбәндәгечә тикшереп карарга тәкъдим итәбез: капкачның резин тыгызлагычын тартып карагыз. Әгәр ул сыгылмалыгын һәм эластиклыгын саклап калса, капкачлар куллануга яраклы.
«Твист-офф» капкачлары - практик һәм күп тапкыр куллану өчен уңайлы, резьба белән банкларга туры килә. Андый капкачларның сыйфатын түбәндәгечә тикшерәбез: банкага су тутырыгыз, капкачны ябыгыз, шуннан соң банканы әйләндерегез. Әгәр су агып чыкса - мондый капкачны кулланырга ярамый, юк икән - консервларга була. Шулай ук капкачның эчендәге лак катламын тикшерү мәслихәт.
Полиэтилен (пластик) капкачлар. Мондый капкачлар бер тапкыр кулланыла, аларны кайнар су астында тоталар һәм банкаларга каплыйлар.
Иң мөһим киңәш: бары тик сыйфатлы товарлар гына сатып алыгыз!
Әгәр сез сатып алынган капкачларда җитештерү дефектлары ачыкланса, «Кулланучылар хокукларын яклау турында» Россия Федерациясе Законының 18 статьясы нигезендә, сез түбәндә күрсәтелгән таләпләрнең берсен куя аласыз:
* шундый ук товарга алмаштыруны таләп итү;
• сатып алу бәясен яңадан исәпләп, башка товарга алыштыруны таләп итү;
* товарның сатып алу бәясен тигез дәрәҗәдә киметүне таләп итәргә;
• сату-алу килешүен үтәүдән баш тартырга һәм товар өчен түләнгән сумманы кире кайтаруны таләп итәргә.
Сатучы законда билгеләнгән таләпләрне үтәүдән баш тартса, сатучыга дәгъва белән мөрәҗәгать итәргә кирәк.