Кулланучы әлифбасы: чәчәкләр сатып алабыз
Чәчәкләр сатып алганда, әлеге товарның «Кулланучылар хокукларын яклау турында» РФ Законында каралган гомуми кагыйдәләре нигезендә сатылуын белергә кирәк. Сатучы чәчәкләр сатканда кулланучыга товарның төп куллану үзенчәлекләре, аны саклау кагыйдәләре һәм шартлары, бәясе, фирма исеме, җитештерүче һәм чәчәк сатучының урнашу урыны турында кирәкле һәм дөрес мәгълүмат бирергә тиеш.
Чәчәкләр сатып алган вакытта кулланучыга аларны визуаль карау үткәрергә кирәк. Чәчәкләр яңа, чиста, ботаник сорт өчен гадәти төс формасына ия булырга тиеш, чәчәк – ботаник сорт өчен максималь күләмдә, сатылганда чәчәкнең торышы – ярым ачылган яки ачылган булсын, сабаклары төз, шактый нык булырга тиеш, чәчәкне вертикаль хәлдә тоту мөмкин булырга тиеш. Корткыч бөҗәкләр, авырулар, шулай ук агулы химикатларның чәчәкләрдә, яфракларда һәм сабакларда булуы рөхсәт ителми.
Сатып алынган чәчәкләр кулланучыга мондый товарның җитешсезлекләренә бәйле булмаган төс, күләме, составы яки башка характеристикалары буенча туры килмәсә, кулланучы аларны Законның 25 статьясы нигезендә 14 көн эчендә алмаштыруны яки кире кайтаруны таләп итә алмый, чөнки мондый товарлар башка күләмдәге товарлар, форма, габарит, фасон, төсләре яки комплектациясе буенча туры килмәгән тиешле сыйфатлы товарлар исемлегенә кертелгән.
Шул ук вакытта, әгәр кулланучыга сыйфатсыз чәчәкләр сатылса, мәсәлән, букетка сынган чәчәк куелган булса, кулланучы законның 18 статьясындагы 1 пунктында каралган хокуклардан файдалана ала. Аерым алганда, сатып алу бәясен яңадан исәпләп шундый ук чәчәкләргә яисә башка чәчәкләргә алмаштыруны, сатып алу бәясен киметүне, сату-алу килешүен үтәүдән баш тартуны һәм товар өчен түләнгән акчаны кире кайтаруны таләп итәргә мөмкин. Кулланучы сатучы таләбе буенча һәм үз хисабына кимчелекләре булган товарны кире кайтарырга тиеш.
Сатучы сыйфатсыз товар өчен акчаны тиешле таләп куелганнан соң ун көн эчендә кулланучыга кире кайтарырга тиеш. Сыйфатсыз товарны алыштыру җиде көн эчендә башкарыла, әгәр сыйфатны тикшерү таләп ителә икән – егерме көн эчендә башкарыла. Товар кыйммәтләнгәннән соң, кулланучы бәядәге аерманы кайтаруны таләп итәргә хокуклы.
Шул рәвешле, тиешле булмаган сыйфаттагы чәчәкләрне кибеткә кире кайтарырга бик мөмкин.