Фатирдан сатканда спиртлы сыеклык тартып алынды
Россия Эчке эшләр министрлыгының Бөгелмә районы буенча бүлеге хезмәткәрләренең Татарстан Республикасы Дәүләт алкоголь инспекциясенең Әлмәт территориаль органы контроль-инспекция бүлеге белгечләре белән берлектә уртак гамәлләре белән спиртлы продукцияне законсыз сату факты ачыкланды.
Бөгелмә шәһәрендә яшәүче К. үз фатирыннан гражданинга ачык төстәге сыеклык салынган пластик шешә саткан. Вакыйга урынын карау барышында ачык төстәге сыеклык салынган 5,0 литр сыешлы тагын 2 пластик шешә ачыкланды һәм хуҗасыннан тартып алынды. Алынган продукциянең гомуми күләме 11 литр тәшкил итә.
Югарыда күрсәтелгән вакыйга РФ КоАП 14.1 статьясындагы 2 өлеше, РФ КоАП 14.17.1 статьясындагы 1 өлеше һәм 15.12 статьясындагы 4 өлеше буенча каралган административ хокук бозу билгеләрен күрсәтә, шулай ук хокук бозуның барлык шартларын ачыклау өчен тартып алынган продукция үрнәкләренә лаборатор сынаулар үткәрергә кирәклеген, административ хокук бозу турында эш кузгату һәм административ тикшерү үткәрү турында билгеләмә чыгарылуын таләп итә.