Кабул итү барышында гражданнарга РФ законнары нигезендә хокукларны гамәлгә ашыру тәртибе аңлатылды
Татарстан Республикасы Дәүләт алкоголь инспекциясенең Арча территориаль органы хезмәткәре Азат Хәлилов «Бердәм Россия» Бөтенроссия сәяси партиясенең Татарстан Республикасы Саба районындагы җирле бүлекчәсенең җәмәгать кабул итү бүлмәсендә кулланучылар хокукларын яклау мәсьәләләре буенча гражданнарны кабул итте. Россия Конституциясенә кертелгән үзгәрешләр дәүләтебезнең социаль характерын шактый көчәйтте. Кулланучыларны яклауның бу яңа контекстта гражданнарның социаль хокукларын максималь дәрәҗәдә тәэмин итү бурычын, «Кешеләрнең матди һәм әхлакый иминлеген, аларның сәламәтлеген саклау»ның нигезе буларак карарга кирәк.
Кулланучыга хәтта дәүләт һәм иҗтимагый ярдәм белән дә үзен яклау җиңел түгел – эшмәкәрләр кулланучыларның дәгъваларына бик сирәк җавап бирә, ә суд тикшерүләре вакыты озак дәвам итә. Кулланучының иминлеге күбесенчә аның үзеннән тора. Сатып алырга теләвеңне белеп, уяу булырга, уяулыкны күрсәтергә кирәк.
Кабул итү барышында гражданнарга РФ законнары, шул исәптән «Кулланучылар хокукларын яклау турында» РФ Законы, РФ Хөкүмәтенең 31.12.2020 елның 2463 номерлы карары нигезендә, хокукларны тормышка ашыру тәртибе аңлатылды. Сыйфатлы товарларны алыштыру һәм кире кайтару очракларында аларның хокукларын яклауга кагылышлы мәсьәләләр; сыйфатсыз товарларга экспертиза үткәрү сроклары һәм кагыйдәләре; кулланучының теге яки бу таләпләрен канәгатьләндерү сроклары; товарда җитешсезлекләр ачыкланган очракта кулланучы хокукларын яклау мәсьәләләре каралды
Кыскасы, кулланучылар хокукларын яклау өчен мөмкинлекләр җитәрлек, үз-үзеңне яклау күнекмәләрен өйрәнергә, үз мәнфәгатьләрегезне кыю рәвештә якларга кирәк, без сезгә бу эштә ярдәм итәчәкбез.