Хуҗалык итүче субъектлар вәкилләре белән очрашулар узды
2022 елның 28 июнендә Татарстан Республикасы Дәүләт алкоголь инспекциясенең Түбән Кама территориаль органы начальнигы Марат Солтанов Мөслим муниципаль районында азык-төлек продуктлары, алкогольле продукцияне ваклап сату өлкәсендә эшчәнлек алып баручы хуҗалык итүче субъектлар вәкилләре белән эшлекле очрашулар үткәрде. Сәүдә объектларында булганда социаль әһәмиятле азык-төлек товарлары һәм республика җитештерүчесе товарлары ассортименты булуга аерым игътибар бирелде.
Кулланучылар базарының торышы тормыш сыйфатын һәм яшәү тирәлегенең уңайлылыгын тәэмин итү, шулай ук сәүдә челтәре аша таратыла торган товарларның, барыннан да элек, азык-төлек продуктларының сыйфатына һәм куркынычсызлыгына бәйле халыкның сәламәтлеге торышын тәэмин итү өчен мөһим әһәмияткә ия.
Җитештерелә һәм сатыла торган товарларның сыйфатына куелган югары таләпләр, җирле товар җитештерүчеләр тарафыннан куркынычсыз һәм сыйфатлы продукция чыгаруга юнәлдерелгән кызыксындыру чаралары республика халкын тулы кыйммәтле азык-төлек белән тәэмин итү генә түгел, ә сәламәт конкуренция үсешенә дә ярдәм итәчәк.