Мәмәшир авыл җирлегендә гражданнарны кабул итү булды
2022 елның 8 июлендә Кукмара районының Мәмәшир авылында Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгече Илшат Бәдретдинов алкогольле продукцияне сату һәм кулланучылар хокукларын яклау мәсьәләләре буенча гражданнар өчен күчмә кабул итү оештырды.
Кабул итү барышында барлык мөрәҗәгать итүчеләргә «Кулланучылар хокукларын яклау турында» 07.02.1992 елның 2300-1 номерлы Россия Федерациясе Законы нигезләмәләре һәм Россия Федерациясе Хөкүмәтенең 2020 елның 31 декабрендәге 2463 номерлы карары нигезендә аңлатмалар бирелде.
Чара дәвамында кулланучылар хокукларын яклау буенча мәгълүмати-агарту буклетлар һәм «Вестник потребителя Татарстана» газетасы таратылды.
Территориаль орган хезмәткәрләре шулай ук авыл җирлеге территориясендә эшмәкәрлек эшчәнлеге алып баручы сәүдә объектларында да булдылар. Кулланучылар базары өлкәсендә хокук бозуларны кисәтү максатыннан чыгып, «Кулланучылар хокукларын яклау турында» РФ Законының төп нормалары һәм РФ Хөкүмәтенең 2020 елның 31 декабрендәге карары белән аңлатылган шәхси эшмәкәрләр сатучылары өчен семинар-укулар үткәрелде.