Сосновка авыл җирлегендә гражданнар кабул ителде
2022 елның 9 августында Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгеч-эксперты Гөлназ Шакирова алкогольле продукция сату һәм кулланучылар хокукларын яклау өлкәсе мәсьәләләре буенча Балтач муниципаль районының Сосна авылында гражданнарны күчмә кабул итү үткәрде.
Кабул итүгә килгән халыкны, нигездә, кулланучылар хокукларын яклау турындагы законнарга кагылышлы сораулар борчыды, ә аерым алганда, товар сатып алганнан соң бер атнадан соң сафтан чыкса, нәрсә эшләргә кирәклеге, гарантияле сроклар, товарны китерү срогы бозылуы турында иде. Кабул итүгә шулай ук сәүдә вәкилләре дә килде, аларны алкогольле продукция сату өлкәсендәге мәсьәләләр кызыксындырды. Чарада катнашучыларның барысына да кулланучылар өчен белешмәлекләр һәм «Вестник потребителя Татарстана» газетасы нөсхәсе тапшырылды.
Чара ахырында җирле үзидарә органнары хезмәткәрләре өчен кулланучылар хокукларын яклау турындагы законнарны аңлатып семинар-укулар үткәрелде.