Профилактик визит
24 августта Татарстан Республикасы Дәүләт алкоголь инспекциясенең Түбән Кама территориаль органы хезмәткәре Мөслим авылында хуҗалык итүче субъектка карата профилактик визит үткәрде.
Профилактик визит - ул контрольлек итүче затның эшчәнлек алып бару урыны буенча яки видеоконференцэлемтә аша әңгәмә рәвешендә дәүләт контроле органы үткәрә торган чара төре.
Профилактик визит барышында түбәндәге чаралар үткәрелде:
- алкогольле һәм спиртлы продукцияне ваклап сату өлкәсендә законнарда билгеләнгән мәҗбүри таләпләрнең, шул исәптән әлеге эшчәнлеккә лицензия таләпләренең үтәлеше буенча контрольлек итүче затка хәбәр итү;
- контроль объектына карата үткәрелә торган контроль-күзәтчелек чараларының төрләре, эчтәлеге һәм интенсивлыгы турында контрольлек итүче затка хәбәр итү;
- контрольлек итүче затка алкогольле һәм спиртлы продукцияне ваклап сату өлкәсендә законнарда билгеләнгән мәҗбүри таләпләрне, шул исәптән әлеге эшчәнлеккә лицензия таләпләрен үтәмәгән өчен җаваплылык чаралары турында хәбәр итү.