Булачак Олимпиада турында
«2014-2025 елларга Татарстан Республикасында кулланучылар хокукларын яклауның комплекслы системасын үстерү» дәүләт программасының «2014-2025 елларга Татарстан Республикасында җәмәгать тәртибен тәэмин итү һәм җинаятьчелеккә каршы тору» подпрограммасына кушымтаның 2.1 пункты нигезендә Татарстан Республикасы Дәүләт алкоголь инспекциясе, Татарстан Республикасы Мәгариф һәм фән министрлыгы белән берлектә, ел саен гомуми белем бирү оешмаларының 8-11 сыйныф укучылары арасында «Кулланучылар хокукларын яклау » темасы буенча республика Олимпиадасын оештыра.
Татарстан Республикасы Дәүләт алкоголь инспекциясе әлеге программаның координаторы итеп билгеләнде.
Олимпиада кулланучылар хокукларын яклау өлкәсендә белемнәрне популярлаштыру, уку йортлары укучыларының товарлар, эшләр һәм хезмәт күрсәтүләрне куллану базары мәсьәләләрен тирәнтен өйрәнүгә, норматив-хокукый актларны куллана белүгә мотивациясен арттыру, шулай ук бу өлкәдә укучыларның иҗади потенциалын ачуга ярдәм итү, кулланучылар буларак үз хокукларын яклау белән кызыксынуны арттыру һәм актив гражданлык позициясен булдыру максатыннан үткәрелә.
Әлбәттә, беренче чиратта нәтиҗә укучыларның теләкләренә һәм омтылышларына бәйле. Балалар белән даими шөгыльләнүче укытучыларның роле дә аларга әлеге Олимпиадада гына түгел, тормышта да файдалы булырдай белем бирә.
Шул уңайдан, Казан территориаль органының эчке базарны үстерү һәм координацияләү бүлеге белгече Геннадий Шишков «Советлар Союзы Герое Борис Кириллович Кузнецов исемендәге Лаеш урта гомуми белем бирү мәктәбе» МББУ җитәкчелеге белән очрашу үткәрде.
Гражданнарның хокукый яктан хәбәрдар булуы - җитештерүче үз өстенә алган йөкләмәләрнең үтәлешен контрольдә тотуның нәтиҗәле механизмы.
Әгәр җәмгыятьнең күпчелек өлеше үз хокукларын мәктәп эскәмиясеннән белсә һәм аларны яклаудан курыкмаса, җитештерүченең базарга билгеләнгән сыйфатлы товарын җибәрүдән тыш, сайлау мөмкинлеге калмаячак.
Куллану белемнәре нигезләрен үзләштергән һәм аларны практикада кулланачак кеше үзен генә түгел, күп кенә башка гражданнарның хокукларын һәм мәнфәгатьләрен яклаучы да булачак.