«Чаллы икмәге» кибете хезмәткәрләре өчен укыту семинары оештырылды
Сатучыларның хокукый белемен арттыру максатларында, шулай ук «2014-2025 елларга Татарстан Республикасында кулланучылар хокукларын яклауның комплекслы системасын үстерү» буенча ярдәмче программасын гамәлгә ашыру кысаларында Татарстан Республикасы Дәүләт алкоголь инспекциясенең Яр Чаллы территориаль органы белгече тарафыннан Минзәлә шәһәрендә урнашкан «Чаллы икмәге» кибетендә «Кулланучылар хокукларын яклау турында» РФ Законын һәм аерым товар төрләрен сату кагыйдәләрен белү буенча чираттагы укыту семинары уздырылды.
Чараны үткәрү вакытында территориаль орган хезмәткәре сатучының да, кулланучының да хокуклары һәм бурычлары турында аңлатты.
Сатучыларга сатучы, товарлар турында мәҗбүри һәм дөрес мәгълүматның булуы, оешманың элмә такталары һәм рус телендә товарлар турында мәгълүматның булуы, сатыла торган товарларга һәм кулланучы почмагына бәя белешмәләрен рәсмиләштерү кагыйдәләре, төрелгән товарларда мәгълүматның булуы, товарларның яраклылык срокларын һәм саклау шартларын күзәтү, суыткыч камераларда һәм туңдыргычларда товар күршелеген саклау турында киңәш бирделәр. Шулай ук сәүдә объектында сатыла торган товарларга туры килү сертификатлары һәм сыйфат таныклыгы булу мәҗбүри санала, дип искәрттеләр.
Чарада катнашучыларның барысына да гамәлдәге законнарны аңлатып буклетлар рәвешендәге белешмәлекләр таратылды.