Азык-төлек товарларына бәяләр мониторингын үткәрү турында
Татарстан Республикасы Дәүләт алкоголь инспекциясенең Казан территориаль органы эшчәнлегенең бурычларыннан берсе булып ай саен бәяләргә мониторинг уздыру тора.
Татарстан Республикасы дәүләт һәм муниципаль ихтыяҗлар өчен азык – төлек товарлары белән тәэмин итүгә заказлар урнаштыру системасының нәтиҗәлелеген арттыру, шулай ук бюджет акчаларын нәтиҗәле файдалану максатларында Татарстан Республикасы Министрлар Кабинеты «Татарстан Республикасы дәүләт һәм муниципаль оешмалары (учреждениеләре) сатып ала торган азык-төлек товарларының максималь бәяләрен формалаштыру турында» 25.09.2017 елның 715 номерлы карарын (алга таба - Карар) кабул итте. Әлеге карар белән Татарстан Республикасы дәүләт оешмалары (учреждениеләре) сатып ала торган азык-төлек товарлары исемлеге расланды.
Мониторинг үткәрү барышында Татарстан Республикасы Дәүләт алкоголь инспекциясенең Казан территориаль органы хезмәткәрләре Карар кабул ителгән таләпләр нигезендә һәр позицияне игътибар белән карыйлар. Бәяләрнең үзгәрүе продукциянең яңа партияләренең башка күпләп сату бәяләре буенча килүе, шулай ук ассортиментның яңартылуы һәм киңәюе белән аңлатыла. Ә күпләп сатучыларның җибәрү бәяләренең үзгәрүе илнең төрле төбәкләрендәге җитештерүчеләрнең бәяләренә турыдан-туры бәйле.
Продукциянең сезонлы булуы, шул исәптән бәяләр күтәрелү һәм бәйрәмнәрдә продукциянең аерым төрләренә ихтыяҗ арту бәя куюда зур роль уйный.
17.10.2022 көнне Татарстан Республикасы Дәүләт алкоголь инспекциясенең Казан территориаль органының эчке базарны үстерү һәм координацияләү бүлеге хезмәткәрләре федераль һәм республика челтәрләрендә бәяләргә мониторинг үткәрде.