Әлмәт территориаль органында хезмәткә әзерлек буенча йомгаклау дәресе үткәрелде
Әлмәт территориаль органында «Республика бәйсез экспертиза һәм кулланучылар базары мониторингы үзәге» дәүләт бюджет учреждениесе җитәкчесе урынбасары Юрий Митюшкин катнашында хезмәткәрләрне әзерләү буенча йомгаклау дәресе узды.
Территориаль органның төп бурычы - алкогольле һәм спиртлы продукция әйләнеше өлкәсендә дәүләт контролен гамәлгә ашыру, дәүләт хакимияте органнары, җирле үзидарә органнары, массакүләм мәгълүмат чаралары һәм халык белән хезмәттәшлек итү, шулай ук гражданнар мөрәҗәгатьләре белән эшләү һәм кулланучылар хокукларын яклау өлкәсендә профилактик чаралар үткәрү.
Хезмәткә әзерлек буенча дәресләр Татарстан Республикасы Дәүләт алкоголь инспекциясе җитәкчесе раслаган тематик план һәм дәресләр расписаниесе нигезендә үткәрелде.
Дәресләрдә хезмәткәрләр хезмәт эшчәнлеге алымнарын һәм чараларын камилләштерү, эшнең нәтиҗәлелеген арттыру, коррупциягә каршы эшчәнлек мәсьәләләрен карадылар, башка ведомстволар белән тәҗрибә уртаклаштылар. Дәресләр территориаль орган хезмәткәрләре белән дә, контроль-күзәтчелек органнары хезмәткәрләре һәм югары белем бирү учреждениесенең Әлмәт филиалы «ТИСБИ» югары белем бирү университетының программа белән тәэмин итү дисциплиналары бүлеге катнашы белән дә үткәрелде.
Йомгаклау дәресендә киләсе елда хезмәткә әзерлекне дәвам итү турында карар кабул ителде, чөнки тематик дәресләр территориаль орган хезмәткәрләренең һөнәри үсешенә, яңа белемнәр һәм күнекмәләр алуга ярдәм итә.