Чистайда инвалидлар җәмгыятендә лекцияләр үткәрделәр
Бөтендөнья сыйфат атнасына багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгечләре, Роспотребнадзорның ТР буенча территориаль идарәсе белгече белән берлектә, халыкның социаль яклауга мохтаҗ төркемнәре өчен Бөтенроссия инвалидлар җәмгыятенең Чистай шәһәр оешмасында (ТРО ВОИ) һәм Бөтенроссия сукырлар җәмгыятенең Чистай җирле оешмасында лекцияләр оештырдылар.
Чара барышында Кулланучылар хокукларын яклау турындагы законнар аңлатылды, продукциянең һәм хезмәтләрнең сыйфаты турында күп сөйләделәр. Быел бәйрәм чаралары «Россия - сыйфат билгесе иле» девизы астында узганлыктан, гражданнарны Россия сыйфат билгесе белән таныштырдылар.
Россия сыйфат билгесе - ул махсус маркер, аны люкс экспертизасын уңышлы узган товарларның төрү, тара һәм техник документларына китерәләр. Билгенең төп бурычлары - сатып алучыларга яхшы продукт сайларга булышу һәм сыйфатлы товарлар ясый торган эчке җитештерүчеләрне алга этәрү.
Инвалидлар җәмгыяте әгъзаларына уңайлы формада финанс хезмәтләрен кулланучыларның хокуклары турында сөйләделәр, мошенникларның хәйләсенә эләкмәскә һәм сыйфатсыз товарлар сатып алганда үз хокукларын ничек якларга икәнлеге турында киңәшләр бирделәр.
Катнашучыларга мөстәкыйль өйрәнү өчен кулланучылар хокукларын яклау өлкәсендәге төрле мәсьәләләр буенча буклетлар тапшырылды.