Сыйфат атналыгы кысаларында Кулланучылар хокукларын яклау өлкәсендәге законнарны аңлату буенча күчмә чаралар үткәрелде
Европа Сыйфат атналыгына багышланган чаралар кысаларында Чистай муниципаль районында Галактионов совхозы авыл җирлеге башкарма комитеты бинасында авыл халкы белән очрашу оештырылды һәм авыл җирлеге башкарма комитеты белгечләре өчен семинар-укулар үткәрелде.
Бөтендөнья Сыйфат атналыгы агымдагы елның 7 ноябреннән 13 ноябренә кадәр туры килә һәм «Россия – сыйфат билгесе булган ил» девизы астында уза. Икътисадта иң мөһим проблемаларның берсе - чыгарыла торган товарларның, күрсәтелә торган эшләрнең (хезмәтләрнең) сыйфаты. Арттырмыйча, бу һәр предприятиянең үсешендә төп фактор дип әйтергә мөмкин. Бу төшенчә әйләнә-тирә мохитне, кешенең физик һәм эмоциональ халәтен үз эченә алган тормыш сыйфаты белән тыгыз бәйләнгән.
Чара барышында катнашучыларга товарларның, эшләрнең яки хезмәтләрнең сыйфатына һәм куркынычсызлыгына кулланучы хокукы «Кулланучылар хокукларын яклау турында» РФ Законының 4 һәм 7 статьялары белән регламентланган дип аңлаттылар. Моннан тыш, товарларның, эшләрнең (хезмәтләрнең) сыйфаты һәм иминлегенә карата таләпләр Россия Федерациясе территориясендә мәҗбүри кулланылырга тиешле Таможня берлегенең техник регламентларында саклана.
Авыл халкы белән очрашу вакытында җирле җитештерүчеләр җитештерә торган товарларның сыйфаты, шулай ук республика җитештерүчеләре һәм башкаручылары тарафыннан күрсәтелә торган эшләрнең һәм хезмәтләрнең сыйфаты турында фикер алыштылар.
Семинар-уку барышында авыл җирлеге башкарма комитеты хезмәткәрләре белән «Кулланучылар хокукларын яклау турында» РФ Законы нормаларын карадылар, үзләрен кызыксындырган сорауларга җавап алдылар.