ТР Дәүләт алкоголь инспекциясе белгечләре Мамадыш муниципаль районының сәүдә объектларында
Татарстан Республикасы Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгечләре Мамадыш муниципаль районына бардылар. Мониторинг максаты белән белгечләр шәһәрнең 6 сәүдә объектын колачлады. Бүлек хезмәткәрләре тарафыннан «Татарстан Республикасы дәүләт муниципаль оешмалары сатып ала торган азык-төлек товарларына максималь бәяләрне формалаштыру турында» 2017 елның 25 сентябрендәге 715 номерлы Татарстан Республикасы Министрлар кабинеты карары нигезендә «Магнит» һәм «Пятерочка» кибетләрендә 188 исемдәге продукция буенча бәяләр мониторингы үткәрелде. 24 исемдәге социаль әһәмиятле азык-төлек товарларына «Ника», «Яңа икмәк», «Табыш», «Акчарлак», «Магнит», «Пятерочка» кибетләрендә бәяләр мониторингы үткәрелде. Белгечләр кибет җитәкчелегенең кулланучылар базары өлкәсендәге сорауларына квалификацияле җаваплар бирделәр, һәр хезмәткәр Татарстан Республикасы Дәүләт алкоголь инспекциясе тарафыннан эшләнгән буклетлар алды, 8(8552)71-43-03 кайнар линия телефоны эше турында хәбәр иттеләр.