Игелеклекләр кылырга ашык
Инвалидлар декадасына багышланган чаралар кысаларында Татарстан Республикасы Дәүләт алкоголь инспекциясенең Яр Чаллы территориаль органының эчке базарны үстерү һәм координацияләү бүлеге белгечләре Яр Чаллы шәһәренең ГЭС бистәсенең 10 комплексында «Белемле кулланучы» акциясе уздырдылар. Мондый чараларны уздыруның максаты - шәһәр халкының куллану белемнәрен арттыру. Микрорайонда яшәүчеләргә кулланучылар мөнәсәбәтләре өлкәсендәге актуаль темаларга мәгълүмати белешмәлекләр таратылды: «Дөрес сыйфатлы товарны алмаштыру һәм кире кайтару өлкәсендә кулланучы хокуклары», «Түләүле медицина хезмәтләрен күрсәткәндә кулланучы хокуклары», «Кулланучы таләпләрен канәгатьләндерү вакыты» һ.б., шулай ук «Татарстан кулланучысы хәбәрләре» газетасының соңгы чыгарылышы да өләшенде. Буклетлар мәгълүматлы, кулланучыга үзен кызыксындырган мәсьәлә буенча тиз җавап алырга һәм куелган бурычны нәтиҗәле хәл итәргә мөмкинлек бирә. Чара барышында белгечләр физик мөмкинлекләре чикле өлкән яшьтәге гражданнарга кулланучылар хокукларын яклау мәсьәләләре буенча консультацияләр бирделәр.
Микрорайонда яшәүчеләр кулланучылар базары өлкәсенә кагылышлы сорауларга квалификацияле җаваплар алу мөмкинлегенә ия булдылар һәм Татарстан Республикасы Дәүләт алкоголь инспекциясенең Яр Чаллы территориаль органы кайнар линиясе эше турында хәбәр иттеләр.