Татарстан Республикасы Дәүләт алкоголь инспекциясендә «Докторская» колбасасына кулланучылар дегустациясе булды
Бүген Татарстан Республикасы Дәүләт алкоголь инспекциясендә «Докторская» колбасасына кулланучылар дегустациясе булды.
Яңа ел башланыр алдыннан, колбаса очраклы гына дегустация предметы булмады – чөнки оливье — Яңа ел өстәле патшасы, аны пешкән колбасасыз ничек эшләргә? Өстәвенә, колбасаны бәйрәмгә гадәттә аннан тыелган кешеләр дә сатып ала. Хәтта тоз, май, натрий нитриты һәм башка консервантларның критик эчтәлеге дә безне туктатмый. Бәйрәм өстәлендә колбаса - бу традиция инде.
Пешкән колбасалардан «Докторская» безнең халык арасында иң популяры булып санала. Дегустациядә Татарстан Республикасының һәм Россиянең башка төбәкләренең «Докторская» колбасасының сыйфаты бәяләнде.
Дегустациядә тәкъдим ителгән барлык колбаса үрнәкләре Татарстан Республикасының сәүдә объектларында сатып алынган. Үрнәкләрнең бәя сегменты: 200 сумнан 916 сумга кадәр.
Тәкъдим ителгән үрнәкләр алдан микробиологик, физик-химик, органолептик күрсәткечләр, шулай ук составы буенча лаборатор тикшеренүләр үткән.
Тикшеренүләр үткәрүдән алынган мәгълүматлар товар сайлауда кулланучыларга белешмә булып хезмәт итә ала, чөнки тикшеренүләр базар сегментында продукт һәм хезмәт үзенчәлекләрен өйрәнү өчен. Моннан тыш, тикшеренүләр кулланучыларның продуктның сыйфаты һәм куркынычсызлыгы турында тулы, ышанычлы, вакытында һәм мөстәкыйль мәгълүмат алу хокукларын яклауда өстәмә көч булыпп санала.
Кибетләрдәге «Докторская» колбасасы куркынычсызмы? Аның эчтәлеге ярлыкта күрсәтелгән составка туры киләме? Колбаса исемендә «Докторская» сүзен кулланырга рөхсәт ителәме? Дөрес колбасаны ничек сайларга? Бу һәм башка сорауларга кулланучылар дегустациясендә җаваплар бирелде.
Компетентлы комиссия үрнәкләрне кодлы рәвештә бәяләде. Комиссия составында ит продукциясе экспертлары, азык-төлек лабораторияләре, контроль-күзәтчелек органнары, сәүдә челтәрләре, ММЧ вәкилләре бар иде.
Бәяләү нәтиҗәләре буенча 1 урынны ТМ «Вязанка» «Докторская» колбасасы били, Стародворские колбасы ЯАҖ, Владимир өлкәсе яулады.
2 урын - «Чаллы-ИТ» «Докторская» ТМ «Чаллы-ит» ҖЧҖ, Татарстан Республикасы, Тукай районы.
3 урын - пешкән «Докторская» ТМ «РМ», ҖЧҖ «РМ агро», Татарстан Республикасы, Мамадыш шәһәре.