Аракыны гадәти булмаганча куллану турында
Татарстан Республикасы Дәүләт алкоголь инспекциясенең Түбән Кама территориаль органына кергән эш материалларыннан күренгәнчә, Чирмешән районы буенча Эчке эшләр бүлеге хезмәткәрләре Дәүләт автоинспекциясе хезмәткәрләре белән берлектә трассада автомобиль туктатылган, аның хуҗасы 0,5 литр күләмендәге 30 шешә спиртлы сыеклык ташыган. Берсенең дә акциз маркасы һәм этикеткасы юк. Продукция каян килгән? Гражданин үз аңлатмасында, трассада тукталып, фараларны сөртү өчен арзан аракы сатып алдым, дип аңлата. Аракыны ул аякка компресслар ясау өчен, шулай ук язын бакчадагы куакларны эшкәртү өчен сатып алдым, ди. ЮХИДИ хезмәткәрләре аны туктаткач, шешәләр тутырылган капчык тапкан. Барлыгы 15 литр спиртлы сыеклык тартып алынган. Гражданны административ җаваплылыкка тарту мәсьәләсен хәл итү өчен РФ КоАП 15.12 ст. 4 ө. буенча эш материалы район судына җибәреләчәк.