Богородское авыл җирлегендә куллану гбелемен арттыруга юнәлдерелгән чаралар үткәрү турында
2023 елның 25 гыйнварында Татарстан Республикасы Дәүләт алкоголь инспекциясенең Казан территориаль органы начальнигы Марина Егорова Татарстан Республикасы Питрәч муниципаль районының Богородское авыл җирлегендә халыкның куллану грамоталылыгын арттыруга юнәлдерелгән гражданнарны кабул итте.
Чара кысаларында сүз сатып алучыларга бирелергә тиешле товарлар һәм сатучы турындагы мәгълүмат, сатыла торган товарларга бәяләр ничек рәсмиләштерелергә тиешлеге, товарларның билгеләнгән таләпләргә туры килүе, ышанычлы үлчәү җиһазлары булу зарурлыгы турында да барды.
Халыкка сыйфатсыз товарлар сатып алу, хезмәт күрсәткәндә җитешсезлекләрне ачыклау белән бәйле сорауларга җаваплар бирелде. Моннан тыш, кулланучының товар җитешсезлекләренә карата таләпләр кую вакыты, сыйфатлы товарны алыштыру тәртибе һәм башкалар аңлатылды.
Чара барышында Татарстан Республикасы Дәүләт алкоголь инспекциясенең территориаль органнарының эчке базарны үстерү һәм координацияләү бүлекләренең адреслары һәм телефоннары, файдалы мәгълүмат булган товарлар һәм хезмәтләр турында брошюралар һәм буклетлар таратылды.