Бәяләргә мониторинг үткәрү турында
Татарстан Республикасы Дәүләт алкоголь инспекциясенең Арча территориаль органы эшчәнлегенең бер бурычы - мәгълүмат җыюның, анализлауның өзлексез һәм методик процессыннан гыйбарәт булган бәяләр мониторингын үткәрү. Мониторинг объекты - кулланучы өчен төп параметр - бәя.
Куллану товарлары бәясе - Кулланучылар кыйммәте төшенчәсен чагылдырган иң мөһим һәм күрсәткеч параметрларның берсе. Азык-төлек товарларына бәяләр үзгәрүен күзәтү, бәя мониторингы мәгълүматларын анализлау кулланучыларның товарларның сыйфаты һәм тәкъдим ителеше дәрәҗәсе турында нәтиҗәләр ясарга мөмкинлек бирә.
Социаль әһәмиятле ризыкларга сөт, икмәк, май, йомырка, карабодай, дөге, шикәр комы, тоз, он, кара чәй, тары, вермишель, балык һәм ит керә. Яшелчә - җиләк-җимешләрдән - бәрәңге, кәбестә, суган, кишер, алма.
Шулай ук территориаль орган белгечләре бәяләр мониторингы белән параллель рәвештә сатучылар һәм эшмәкәрләр өчен сату кагыйдәләрен белү буенча аңлату әңгәмәләре үткәрәләр.
Мондый мониторинглар Арча территориаль органы тарафыннан атна саен үткәрелә һәм кулланучыларга базар вәзгыяте турында мөмкин кадәр төгәл мәгълүмат алырга мөмкинлек бирә.