Татарстан Республикасы Дәүләт алкоголь инспекциясенең Казан территориаль органы хезмәткәрләре Хәрби дан музеенда булдылар
Милли мәдәниятләр һәм традицияләр елы кысаларында Татарстан Республикасы Дәүләт алкоголь инспекциясенең Казан территориаль органы хезмәткәрләре «Время выбрало нас» АО МАОУ «Советлар Союзы Герое С.А. Әхтәмов исемендәге 121Лицей»ның мәктәп Хәрби дан музеенда булдылар.
Хәрби дан музее мәгърифәтчелек, экскурсоводлык, эзләү эше үзәге, ул укучыларны, ата-аналарны һәм лицей хезмәткәрләрен берләштерә.
Мәктәп музее инициативасы буенча биредә традицион экскурсияләр үткәрелә: күзәтү һәм тематик экскурсияләр, «Хәтер вахтасы», «Ветеран янәшәдә яши» акцияләре, хәрби вакыйгаларда катнашучылар белән түгәрәк өстәлләр, хәрби-патриотик уен –«Время выбрало нас...» эстафетасы.
Музей 4 экспозициядән тора: Бөек Ватан сугышы, Әфган сугышы, Чечен вакыйгалары, укытучы Бөек Ватан сугышы ветераны бүлекләре бар. Музей фондларында 100дән артык экспонат тупланган: бу көнкүреш әйберләре, хатлар, документлар, фотолар, шәхси әйберләр, бүләкләр, Бөек Ватан сугышы кораллары (макет). Музей фондларын тулыландыруның төп юлы мәктәп укучыларының, аларның әти-әниләренең һәм лицей хезмәткәрләренең эзләнү эше.
Мәктәп музее эшчәнлегенең төп юнәлешләре эзләү, фонд, экскурсия, экспозиция, мәгълүмати пропаганда – коммуникатив технологияләр ярдәмендә тормышка ашырыла. Экскурсияләр үткәрү процессында, Бөек Ватан сугышы ветераннары, күренекле якташлар, мәктәпне тәмамлаучылар белән эшләгәндә аудиовизуаль һәм видео чаралар, мультимедия программалары кулланыла.
Музейның мәгълүмати ресурсларын куллануның бер ысулы булып электрон каталоглар формалаштыру тора. Музей стеналарыннан тыш сәяхәт итәргә мөмкинлек бирүче виртуаль экскурсия булдырылган.
Музей - ул тере, үсештә булган организм, чөнки экспозицияләр даими рәвештә тулылана, яңартыла, актуальләштерелә.