Алкоголь сату өлкәсендә законнарны бозу факты ачыкланды
Россия Эчке эшләр министрлыгының Чирмешән районы буенча бүлеге хезмәткәрләре тарафыннан шәхси йорттан физик затның алкоголь продукциясен сату факты теркәлгән. Шул рәвешле граждан РФ Административ хокук бозулар кодексының 14.17.1 маддәсенең 1 өлешендә каралган административ хокук бозу кылган. Гомуми күләме 30,875 литр булган 17 460 сумлык продукция тартып алынган. Эш материаллары Татарстан Республикасы Дәүләт алкоголь инспекциясенең Түбән Кама территориаль органына тапшырылды. Бу факт буенча тикшерү алып барыла.
14.17.1 статьясының 1 өлешендә физик затның алкогольле һәм спиртлы азык-төлекне законсыз сатуы алкогольле һәм спиртлы продукцияне конфискацияләү белән утыз меңнән илле мең сумга кадәр административ штраф салуга китерә дип билгеләнгән. Штраф билгеләү турында карарны суд кабул итәчәк.