Тартып алынган алкоголь продукциясенең гомуми күләме 12 шешә (6,85 литр) тәшкил итә
Россия Эчке эшләр министрлыгының Әлмәт районы буенча ЭЭБ һәм ПК бүлеге хезмәткәрләре тарафыннан «Э» массаж салонында шәхси эшмәкәрнең алкоголь продукциясен сату факты ачыкланды. Алынган алкоголь продукциясенең гомуми саны 12 шешә (6,85 литр) тәшкил иткән. Шул рәвешле, индивидуаль эшкуар РФ Административ хокук бозулар кодексының 14.17.1 статьясындагы 2 өлеше, 14.16 статьясындагы 2 өлеше (юридик зат оештырмыйча эшкуарлык эшчәнлеген алып баручы зат (индивидуаль эшкуар) тарафыннан алкогольле һәм спиртлы азык-төлек продукциясен законсыз ваклап сату белән каралган административ хокук бозу кылган; этил спирты әйләнеше (ваклап сатудан тыш), алкогольле һәм спиртлы продукция әйләнеше, аларны җитештерүнең һәм әйләнешенең законлылыгын раслаучы документларсыз башкарылган. Әлеге эш буенча материаллар Әлмәт шәһәре җәмәгать судына һәм Татарстан Республикасы Арбитраж судына тапшырылды.