Сөт продуктларын сату үзенчәлекләре
2023 елның 07 июнендә Татарстан Республикасы Дәүләт алкоголь инспекциясенең Яр Чаллы территориаль органы белгечләре Минзәлә шәһәрендәге «Магнит» кибете вәкилләре белән очрашты. Чара барышында кулланучылар базары өлкәсендәге мәсьәләләр буенча фикер алыштылар. Ваклап сату-алу килешүе буенча сөтле, сөтле составлы һәм сөт продуктларын сату мәсьәләсенә аерым игътибар бирелде.
РФ Хөкүмәтенең 31.12.2020 елгы 2463 номерлы карарының 37 пунктына ярашлы, сату урынында сөтле, сөтле составлы һәм сөтле продуктларны урнаштыру (чыгару) күрсәтелгән продуктларны башка азык-төлек продуктларыннан визуаль рәвештә аерып алырга мөмкинлек бирүче ысул белән башкарылырга һәм «сөт маен алмаштырмаган продуктлар» дигән мәгълүмати язу белән озата барырга тиеш.
Кибет директоры үз чиратында аңлатты түбәндәгеләрне:
- Хәзерге вакытта маркировкаланган сөт продукциясен ваклап сату вакытында 2D- кодларны сканерларга һәм мәгълүматны «Честный знак»ка тапшыру өчен онлайн-кассаларны кулланырга тиеш. Продукция җитештерүдә һәм сатуда катнашкан һәркем кодны сканерлый һәм шулай итеп мәгълүматны «Честный знак» маркировкалау системасына тапшыра. Шулай итеп, кодлар буенча һәр товарның юлын күзәтеп була. Әгәр кассада куллану вакыты чыккан товарны сканерласаң, ул блоклана, ягъни мондый товарны техник яктан сату мөмкин түгел.