Кукмара районының Мамашир авыл җирлегендә Гражданнарны кабул итү узды
2023 елның 08 июнендә Кукмара районының Мамашир авыл җирлегендә Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгече эксперт Илшат Бәдретдинов катнашында алкоголь продукциясен сату һәм кулланучылар хокукларын яклау мәсьәләләре буенча гражданнарны күчмә кабул итү булды.
Чара кысаларында сыйфатсыз товарларны сату һәм күңелсез хәлләрне төрле ситуацияләрдә хәл итү юллары мәсьәләләре күтәрелде. «Кулланучылар хокукларын яклау турында» Россия Федерациясе законының нигезләмәләре һәм Россия Федерациясе Хөкүмәтенең 31.12.2020 елның 2463 номерлы карары белән расланган ваклап сату кагыйдәләре нигезендә аңлатмалар бирелде.
Авыл җирлеге белгечләре, шулай ук авыл гражданнары әлеге чараны оештырган һәм үткәргән өчен Татарстан Республикасы Дәүләт алкоголь инспекциясенең Арча территориаль органы белгечләренә зур рәхмәт белдерде, чөнки әлеге чаралар гражданнарга халыкның куллану белеме дәрәҗәсен арттырырга мөмкинлек бирә.