Күп функцияле үзәктә гражданнарга консультацияләр бирелде

2023 елның 29 июне, пәнҗешәмбе

Татарстан Республикасы Дәүләт алкоголь инспекциясенең Чистай территориаль органы һәм ТР буенча Роспотребнадзор ҖЧҖ белгечләре Нурлат шәһәренең күп функцияле үзәгендә Кулланучылар хокукларын яклау мәсьәләләре буенча кулланучыларга консультацияләр бирделәр.

Чараның максаты - кулланучыларга товарлар сатып алу һәм хезмәтләр, шул исәптән финанс хезмәтләре алуда аларның хокукларын һәм бурычларын аңлату.

Чара барышында югарыда санап үтелгән оешмаларның компетенциясе чикләрендә куелган сорауларга җентекле җаваплар бирелде.

КФҮ кунаклары үтенече буенча кулланучыларның техник яктан катлаулы сыйфатсыз товарлар сатып алуда, шул исәптән товарны дистанцион ысул белән сатуда хокуклары һәм бурычлары җентекләп каралды.