Теләче районы мәшгульлек үзәгендә чара уздырдылар

2023 елның 3 июле, дүшәмбе

«Теләче районы мәшгульлек үзәге» ДКУда «Кулланучылар хокукларын яклау турында» РФ Законының төп нигезләмәләрен, сәүдә кагыйдәләрен, сыйфатсыз товарлар сатып алганда килеп туган конфликтлы ситуацияләрне хәл итү тәртибен, көнкүреш билгеләнешендәге техник яктан катлаулы товарларны сату үзенчәлекләрен аңлату чарасы уздырылды.

Чарада катнашучылар кабул ителгән сорауларга РФ Кулланучылар хокукларын яклау өлкәсендәге гамәлдәге законнары нигезендә җаваплар алдылар.

Чара барышында Татарстан Республикасы Дәүләт алкоголь инспекциясе территориаль органнарының эчке базарны үстерү һәм координацияләү бүлекләренең адреслары һәм телефоннары турында мәгълүмат туплаган товарлар һәм хезмәтләр турында төрле мәгълүматлы брошюралар һәм буклетлар тәкъдим ителде.