Кызыксынучан кулланучы: клиентлар белән очрашулар дәвам итә
Татарстан Республикасы Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге белгечләре «Грамоталы кулланучы» акциясен дәвам итеп, Мамадыш шәһәре кулланучылары белән очраштылар.
Акцияне үткәрү максаты - Татарстан Республикасы халкының кулланучылар белемен арттыру. Нәтиҗәдә, без грамоталы кулланучыларны, законлы хокукларын яклый белгән ышанычлы кулланучыларын тәрбиялибез.
Сатып алучылар белән мондый очрашулар «2014-2025 елларга Татарстан Республикасында кулланучылар хокукларын яклауның комплекслы системасын үстерү» 6 нчы республика программасын үтәү кысаларында үткәрелә, шул ук программаны үтәү максатларыннан Татарстан Республикасы Дәүләт алкоголь инспекциясе тарафыннан мәгълүмати буклетлар һәм брошюралар эшләнгән. Буклетларда тар мәгълүмат тупланган, РФ законының 07.02.1992 елгы 2300-1 номерлы «Кулланучылар хокукларын яклау турында»гы маддәләреннән өзекләр бар. Мамадышның сәүдә үзәкләре һәм кечкенә кибетләрендә сатып алучылар активлык күрсәтте, белгечләр белән киңәшләште, кулланучылар базары өлкәсендәге сорауларга квалификацияле җаваплар алды. Очрашуда катнашучыларның һәрберсенә белгечләр мәгълүмати белешмәлекләр һәм буклетлар тараттылар:
- «Орлык сатып алабыз: кулланучыга нәрсәләрне белергә кирәк?»;
- «Түләүле нигездә белем бирү хезмәтләре алу»;
- «Парфюмер-косметик продукцияне маркировкалау».
Шулай ук татар телендә дә буклетлар таратылды:
- «Алыштырырга ярамаган тиешле сыйфатлы азык-төлек булмаган товарлар исемлеге»;
- «Аяк киемен сатып алганда кулланучы хокуклары».
Буклетлар кулланучыга Кулланучылар хокукларын яклау өлкәсендә кызыксындырган сорауга тиз җавап алырга һәм куелган бурычны нәтиҗәле хәл итәргә, үз хокукларын якларга мөмкинлек бирә.
Кулланучыларга шулай ук Кулланучылар хокукларын яклау өлкәсендә эшләүче дәүләт органнарының кайнар линиясе телефоннары эше турында хәбәр ителә.