Алексеевск районында җирле җитештерүчеләрнең продукциясе күргәзмәсе булды
Узган ялларда Татарстан Рәисе Алексеевск районында булды. Ул механизаторлар, районның авыл хуҗалыгы предприятиеләре җитәкчеләре һәм «Алексеевское» НП басуларының берсендә торак пунктлар башлыклары белән очрашты, шунда ук Алексеевск авыл хуҗалыгы товар җитештерүчеләренең сәүдә палаткалары урнаштырылган иде.
Кунакларга һәм оештыручыларга азык-төлек һәм эшкәртү сәнәгате, яшелчәчелек, бакчачылык һәм умартачылык өлкәсендә эшләүче эре товар җитештерүчеләрнең һәм кече крестьян-фермер хуҗалыкларының продукциясе тәкъдим ителде: «Алексеевск сөт заводы» ҖЧҖ, Алексеевск РаПОсы, «Эдем» ҖЧҖ, КФХ «Хәмитов», КФХ «Зиннәтуллин», «Хузангай» ҖЧҖ Алексеевск халык предприятиесе аерым бүлекчәсе, Аксеновлар гаиләсе умарталыгы һәм башкалар.
Җирле җитештерүчеләрнең продукциясен алга этәрү, районның кулланучылар базарын арзан бәяләр буенча югары сыйфатлы товарлар белән тутыру, җитештерүчеләрне җитештерелгән продукцияне сатуның өстәмә урыннары белән тәэмин итү - бу күргәзмәнең төп бурычлары. Катнашучылар фикеренчә, бу максатларга ирешелгән.