Нурлатта ведомствоара комиссия утырышы узды
Нурлат муниципаль районында алкоголь продукциясе әйләнеше өлкәсендә хокук бозуларны ачыклау һәм кисәтү буенча ведомствоара комиссия утырышы узды.
Утырыш Татарстан Республикасы Дәүләт алкоголь инспекциясенең Чистай территориаль органы башлыгы Александр Панов катнашында Башкарма комитет җитәкчесе Заррина Сәйфетдинова кабинетында узды.
Комиссия әгъзаларыннан тыш, алкоголь продукциясен тәэмин итүчеләр вәкилләре, шулай ук хуҗалык итүче субъектлар да катнашты.
Комиссия Нурлат районының алкоголь базарындагы гомуми вәзгыять мәсьәләләрен карады:
- 2023 елның 6 аенда район территориясендә алкоголь продукциясен сатуны анализлау;
- алкогольле һәм спиртлы продукциянең легаль булмаган әйләнешен туктату буенча эш турында;
- Татарстан Республикасында җитештерелә торган алкогольле продукция сату күләмен арттыру;
- алкогольле һәм спиртлы продукция әйләнеше өлкәсендә закон бозучыларга карата кабул ителә торган чаралар турында;
- алкогольле продукция сату булмаган авыл торак пунктларына күчмә сәүдә оештыру турында.
Комиссия утырышы барышында Татарстан Республикасында алкогольле продукцияне ваклап сатуның җирле базарларындагы вәзгыятьне бәяләү индикаторлары җентекләп каралды һәм алга таба эшләү өчен бурычлар билгеләнде.