Маркетплейсларда сату базарлары киңәя
Хәзерге вакытта цифрлы технологияләр күп кенә хезмәтләрнең характерын үзгәртте, чөнки программа тәэминаты куллану товарларының саны арта бара, шулай ук төрле түләүле хезмәтләр, шул исәптән финанс хезмәтләр күрсәтүдә кулланыла. Кулланучылар базарының әлеге сегменты глобальләшкән саен гражданнарда яңа социаль-икътисади мөмкинлекләр барлыкка килә.
Әмма цифрлы икътисадның киләчәктә уңышлы үсеше бары тик әлеге өлкәдә кулланылган барлык технологияләр дә ачык булса гына түгел, ә алдаудан, дөрес кулланмаудан һәм техник хаталардан сакланса гына мөмкин.
Бүген кулланучылар арасында онлайн маркетплейсларда товарлар сатып алу популяр.
Интернетта сатып алулар берьюлы берничә проблеманы хәл итә һәм хәзерге кешенең яшәү рәвешенә туры килә.
Беренчедән, алар вакытны янга калдыралар. Икмәк яки кер юу машинасы сатып алу өчен кибеткә барырга кирәк түгел — барысын да дистанцион рәвештә эшләп була.
Икенчедән, бу акчаны экономияләргә мөмкинлек бирә, чөнки бәяләрне браузер яки кушымта тәрәзәсендә чагыштырып була.
Өченчедән, көч сарыф итәргә кирәкми: кибет курьерлары үзләре сатып алуларны алып киләчәкләр һәм аларны ишек төбенә китереп куялар.
Күп кенә маркетплейслар товарны сатып алыр алдыннан кулланучының товарның җитешсезлеген, әйбернең комплектлы булу-булмавын тикшерү һәм тотып карау мөмкинлеге бар. Әгәр әйберне тикшергәндә җитешсезлекләр, комплектлылык, дөрес булмаган товарны китерү ачыкланса, кулланучының алдан түләгән очракта да сатып алудан баш тарту, акчаны кире кайтаруны таләп итү хокукы бар.
Мөһим! Товарны товарлар бирү пунктында ук тикшерергә кирәк. Әгәр кулланучы товарда җитешсезлек тапса, товарны кире кайтару проблемаларын булдырмас өчен, фото-видеога төшерү, башка сатып алучыларның шаһит күрсәтмәләре ярдәмендә кимчелекне теркәргә кирәк. Кирәк булганда ачыкланган җитешсезлек яки комплектация булмау сәбәпле агрегаторга / сатучыга акчаларны кире кайтару турында гариза белән мөрәҗәгать итәргә.